چنئی : اس وقت ساؤتھ سنیما کے اسٹارس کئی بڑی فلموں میں کام کر رہے ہیں۔ اس میں اللو ارجن، جونیئر این ٹی آر، تھلاپتی وجے سمیت کئی ستاروں کی فلمیں شامل ہیں۔ کچھ اس سال ریلیز ہوں گی، جب کہ کچھ کے لیے مداحوں کو 2026 تک انتظارکرنا پڑے گا۔ ان میں سے ایک تھیلاپتی وجے کے کیرئیر کی آخری فلم ہے جانا نیاگن۔ حال ہی میں فلم کی ریلیز کی تاریخ سامنے آئی ہے۔ یہ فلم اگلے سال پونگل پر ریلیز ہوگی۔ اس کی ریلیزکی تاریخ 9 جنوری 2026 ہے لیکن اب جونیئر این ٹی آر وجے کے لیے ایک بڑا خطرہ بن رہے ہیں۔جونیئر این ٹی آرطویل عرصے سے پرشانت نیل کے ساتھ ایک فلم میں کام کر رہے ہیں۔ اس کا نام ڈریگن بتایا جا رہا ہے۔ لیکن یہ باضابطہ عنوان نہیں ہے۔ سال 2024 میں اعلان کیا گیا تھاکہ یہ فلم 9 جنوری 2026 کو ریلیز کی جائے گی۔ اب تھلاپتی وجے کی آخری فلم بھی اسی دن ریلیز ہو رہی ہے۔ انہوں نے 9 جنوری کی تاریخ بھی مقفل کردی ہے۔ جس کے بعد خبریں آرہی تھیں کہ جونیئر این ٹی آرکی فلم کو ملتوی کردیا گیا ہے لیکن اب میکرز نے ایک بار پھر تصدیق کی ہے کہ فلم اسی دن سینما گھروں میں ریلیز ہوگی۔ فیصلہ ملتوی نہیں کیا گیا ہے۔ایکس پر ایک پوسٹ وائرل ہو رہی ہے، جس میں جونیئر این ٹی آر اور پرشانت نیل کی فلم کی ریلیزکی تاریخ لکھی گئی ہے۔ ان کی فلم 9 جنوری 2026 کو آرہی ہے جسے ابھی تک ملتوی نہیں کیا گیا ہے۔ ایسے میں اب اس بات کی تصدیق ہوگئی ہے کہ تھلاپتی وجے اور جونیئر این ٹی آرکی فلموں کے درمیان ٹکراؤ ہوگا۔ تاہم ان دونوں فلموں کے علاوہ پونگل پر ایک اور فلم ریلیز ہونے جا رہی ہے۔ یہ فلم شیوکارتھیکیان کی ‘پاراسکتی’ ہے۔جیسے جیسے تاریخ قریب آتی جائے گی، اس تاریخ کو مزید فلمیں ریلیز ہونے کے لیے تیار ہوں گی۔ دوسری جانب کچھ میکرز تصادم سے بچنے کے لیے فلم کو ملتوی بھی کر دیتے ہیں۔ تاہم ایسا نہ کرنے سے نقصان ہوتا ہے۔ لیکن اگر جونیئر این ٹی آر اور تھلاپتی وجے کی فلموں میں ٹکراؤ ہوتا ہے تو وجے کا خواب ادھورا رہ جائے گا۔
