چنئی، 24 جولائی (ایجنسیز) سوپر اسٹار تھلاپتی وجے کی فلم “جنا نیتا” تھیٹروں میں غیر معمولی کارکردگی کا مظاہرہ کر رہی ہے۔افتتاحی دن کے کلیکشن کے اعداد و شمار سامنے آچکے ہیں۔ مداح اپنے پسندیدہ سوپر اسٹار تھلاپتی وجے کو شاندار الوداع دے رہے ہیں۔ فلم نے پہلے دن 80 کروڑ روپے کے قریب کمائے۔ یہ فلم بھی بلاک بسٹر ثابت ہونے کی امید ہے۔ جنا نیتا سے پہلے تھلاپتی وجے کے ٹریک ریکارڈ کے بارے میں مداح جاننے کے خواہاں ہیں ۔ ساؤتھ سوپر اسٹار نے اپنے کیریئر میں متعدد بلاک بسٹرز فلمیں دی ہیں ہیں، لیکن انہوں نے ناکام فلمیں میں بھی کافی حصہ دیا ہے۔ اپنے تین دہائیوں کے کیریئر میں، تھلاپتی وجے نے متعدد کامیاب فلمیں دی ہیں۔ ان کی کچھ فلموں نے اپنی کمائی سے حیران بھی کیا ہے۔ تاہم، انہوں نے کئی ناکام فلموں میں بھی کام کیا ہے۔ واضح رہے کہ اداکار کے فلمی کیرئیر کا آغاز ناکامیوں سے ہوا تھا لیکن چند سالوں کے بعد انہیں کامیابی کا تجربہ ہونا شروع ہوگیا۔ اب جب کہ اداکار نے اپنے فلمی کیرئیر کے خاتمے کا اعلان کر دیا ہے، آئیے ان کے کیریئر میں ہٹ اور فلاپ کی تعداد اور ان کے ٹریک ریکارڈ کا جائزہ لیتے ہیں۔ وجے نے اپنے کیریئر میں 69 فلموں میں کام کیا۔ اس کا مطلب ہے کہ وہ ایک سال میں تقریباً دو فلموں میں نظر آئے۔ تاہم، انہیں اپنے کیریئر کے شروع میں مسلسل ناکامیوں کا سامنا کرنا پڑا۔ اداکار نے اپنے کیرئیرکا آغاز بطور چائلڈ ایکٹر1984 میں ریلیز ہونے والی فلم ویٹری سے کیا جسے اس کی اداکاری کی وجہ سے خوب پذیرائی ملی۔ انہوں نے بطور چائلڈ آرٹسٹ پانچ یا چھ فلموں میں کام کیا۔ اس کے بعد انہوں نے نالیہ تھیرپوکے ساتھ مرکزی اداکار کے طور پر اپنا آغازکیا۔ آئی ایم ڈی بی کی رپورٹ کے مطابق ان کی پہلی سات فلموں میں سے چھ ناکام ہوئیں اور ایک اوسط درجے کی تھی۔ کوئمبٹور میپلائی ان کی پہلی ہٹ فلم تھی۔ وہ69 فلموں میں نظر آئے، جن میں 22 ناکام فلمیںبھی شامل ہیں۔ تاہم، اس وقت کے دوران، انہوں نے18 بلاک بسٹرز بھی پیش کیں، جو باکس آفس پر اس کی شاندار کارکردگی کو ظاہرکرتی ہیں۔ اگر ان کی 69 میں سے 18 فلمیں بلاک بسٹر ہیں تو اس کا مطلب ہے کہ چار میں سے کم ازکم ایک فلم بلاک بسٹر رہی۔
