ھیملٹن، 04 مارچ (سیاست ڈاٹ کام) نیوزی لینڈ کے کپتان کین ولیم جلد ہی ہندستانی کرکٹ ٹیم کے کپتان وراٹ کوہلی کو ہٹا کر نمبر ایک ٹیسٹ بلے باز بن سکتے ہیں۔قابل ذکر ہے کہ ولیمسن نے بنگلہ دیش کے خلاف پہلے ٹیسٹ میچ میں ناٹ آؤٹ 200 رنز بنائے تھے جس کی بدولت نیوزی لینڈ نے میزبان ٹیم کو پہلے ٹیسٹ میچ میں اننگز اور 52 رنز سے شکست دی تھی۔ولیمسن نے شاندار ناٹ آؤٹ ڈبل سنچری سے ٹیسٹ رینکنگ میں طویل چھلانگ لگائی ہے ۔ بین الاقوامی کرکٹ کونسل (آئی سی سی) کی جاری تازہ ٹیسٹ رینکنگ میں ولیمسن 915 پوائنٹس کے ساتھ دوسرے مقام پر پہنچ گئے ہیں جبکہ ہندستان کے کپتان وراٹ 922 پوائنٹس کے ساتھ ٹاپ پر قائم ہیں۔اگرچہ ولیمسن وراٹ سے اب بھی سات پوائنٹس پیچھے ہیں لیکن نیوزی لینڈ اور بنگلہ دیش کے درمیان دو میچ باقی ہیں ایسے میں اگر ولیمسن کا بلا بولتا ہے تو وہ وراٹ کو پچھاڑ کر سرفہرست بلے باز کے مقام پر قابض ہو سکتے ہیں۔ غور طلب ہے کہ ورلڈ کپ سے پہلے ہندستان کی کوئی ٹیسٹ سیریز مجوزہ نہیں ہے ۔ولیمسن سال 2015 میں ٹیسٹ کرکٹ میں بلے بازی کے سرفہرست مقام پر تھے ۔ چار سال بعد دوبارہ ولیمسن کے پاس نمبر ایک ٹیسٹ بلے باز بننے کا موقع ہے ۔ ولیمسن 915 پوائنٹس کے ساتھ نیوزی لینڈ کے بہترین درجہ بندی پوائنٹس حاصل کرنے والے ٹیسٹ کرکٹر بن گئے ہیں۔ ان سے پہلے رچرڈ ہیڈلی نے 909 پوائنٹس حاصل کئے تھے ۔ولیمسن کے علاوہ ٹام لاتھم 699 پوائنٹس کے ساتھ 11 ویں نمبر پر ہے جبکہ اپنے کیریئر کا پہلا سنچری بنانے والے جیت راول 591 پوائنٹس کے ساتھ 33 ویں مقام پر پہنچ گئے ہیں۔ بنگلہ دیش کے تمیم اقبال 626 پوائنٹس کے ساتھ 26 ویں نمبر پر ہیں۔ نیوزی لینڈ کے کپتان کین ولیمسن نے بنگلہ دیش کے خلاف پہلے ٹیسٹ میں 200رنزناٹ آؤٹ کی اننگز کھیل کر نئی آئی سی سی ٹیسٹ رینکنگ میں کیریئر کے بہترین رینکنگ پوائنٹس (915) حاصل کرلیے ہیں ۔ولیمسن کی اپنے ٹیسٹ کیریئر کی دوسری ڈبل سنچری نے انہیں897پوائنٹس سے 915پوائنٹس تک پہنچایا ہے اور وہ اب پہلے نمبر پر موجود کپتان کوہلی (922) سے محض7پوائنٹس پیچھے رہ گئے ہیں ،سیریز میں ابھی 2ٹیسٹ میچ باقی ہیں اور کین ولیمسن کے پاس ایک بار پھر پہلی پوزیشن اپنے نام کرنے کا سنہری موقع موجود ہے ،وہ اس سے قبل2015کے آخر میں بھی دنیا کے بہترین ٹیسٹ بلے باز رہ چکے ہیں ،کین ولیمسن کے علاوہ سر رچرڈ ہیڈلی(909) ہی ٹیسٹ رینکنگ میں 900پوائنٹس کا سنگ میل عبور کرنے والے کیوی کھلاڑی رہے ہیں ۔کیوی اوپنر ٹام لاتھم پہلے ٹیسٹ میں161رنزا سکور کرکے رینکنگ میں ایک درجہ ترقی کے ساتھ11ویں پوزیشن پر پہنچ گئے ہیں اور ان سے تین پوائنٹس آگے جنوبی افریقی کپتان فاف ڈوپلیسی702پوائنٹس کے ساتھ موجود ہیں ۔جیت راول 7نصف سنچریوں کے بعد اپنے ٹیسٹ کیریئر کی پہلی سنچری مکمل کرنے کے بعد5درجے ترقی پاکر33ویں پوزیشن پر پہنچ گئے ہیں ۔ کیوی فاسٹ بالر ٹرینٹ بولٹ دو درجے تنزلی کے بعد 8ویں پوزیشن پرآگئے ہیں جبکہ ٹم ساؤتھی 9ویں پوزیشن پر موجود ہیں ۔نیل ویگنر نے میچ میں7شکارکرکے 14ویں سے 11ویں پوزیشن پر چھلانگ لگائی ہے ۔پاکستانی فاسٹ بالر محمد عباس ایک درجہ ترقی کے ساتھ چھٹی پوزیشن پر آگئے ہیں ۔بنگلہ دیشی اوپنر تمیم اقبال پہلے ٹیسٹ میں126اور74رنزا سکور کرنے کے بعد36ویں سے 25ویں پوزیشن پر آگئے ہیں ۔محمود اللہ ریاض ہیملٹن ٹیسٹ میں 22اور146رنز اسکورکرکے 52ویں سے کیریئر کی بہترین40ویں پوزیشن پر آگئے ہیں جب کہ سومیہ سرکار 1اور 149رنز کی باری کھیلنے کے بعد رینکنگ میں 25درجے ترقی کے ساتھ67ویں پوزیشن پر پہنچ گئے ہیں ۔
