کراچی ۔ آئی سی سی ٹی 20 ورلڈ کپ کی ٹرافی ورچوئل سفر کرتے ہوئے پاکستان پہنچ گئی۔ ٹی ٹوئنٹی ورلڈکپ کےآفیشل سوشل میڈیا اکاؤنٹس پر ٹرافی کے پاکستان پہنچنے کی تصویر شیئرکی گئی۔خوبصورتی سے بنائی گئی تصویر میں ٹرافی کے عقب میں خوبصورت شہر لاہور کے تاریخی مقامات دکھائے گئے ہیں۔ٹرافی کے پیچھے پرندے اور ٹرافی کے عقب میں مینارِ پاکستان اور بادشاہی مسجد کو نمایاں کیاگیا ہے جبکہ اوپر پاکستان کو ہرے رنگ سے لکھا گیا ہے۔تصویر شیئر کرتے ہوئے بتایا گیا کہ ٹرافی ورچوئلی سفرکرتے ہوئے پاکستان پہنچ گئی ہے۔؟واضح رہے کہ ٹی20 ورلڈ کپ 17 اکتوبر سے شروع ہوگا۔ پاکستان اپنا پہلا میچ روایتی حریف ہندوستان کیخلاف کھیلے گا۔آئی سی سی کے مطابق پاکستان اپنا دوسرامیچ 26 اکتوبر کو نیوزی لینڈ کے خلاف کھیلے گا، پاکستانیکھلاڑی اپنے تیسرے میچ میں 31 اکتوبر کو افغانستان کے مدمقابل ہوں گے۔ٹی ٹوئنٹی ورلڈ کپ کے سیمی فائنل10 اور11نومبر کو کھیلے جائیں گے۔ ٹورنمنٹ کا فائنل 14 نومبر کو ہوگا۔
