دبئی۔یکم مارچ (سیاست ڈاٹ کام ) آئی سی سی نے کہا ہے کہ ورلڈکپ کے دوران اسٹمپ مائیک تمام وقت کھلا رکھنے پر غور کیا جا رہا ہے۔آئی سی سی نے ورلڈ کپ کے دوران شائقین کو میدان پر ہونے والے ڈرامے سے زیادہ لطف اندوز ہونے کا موقع فراہم کرنے پر غور شروع کردیا۔ گورننگ باڈی کی جانب سے میچ کے دوران اسٹمپ مائیک تمام وقت کھلا رکھنے کا جائزہ لیا جارہا ہے تاکہ گینڈ ڈیڈ ہونے کے بعد بھی شائقین جان سکیںکہ میدان کے وسط میں کھلاڑیوں کے درمیان کیا بات چیت ہورہی ہے اور وہ بھی تناؤ سے بھرپورلمحات کو قریب سے جان سکیں گے۔
