پورٹ آف اسپین: امریکہ اور ویسٹ انڈیز کی مشترکہ میزبانی میں ہونے والے ٹی 20 ورلڈ کپ کو دہشت گردی کا خطرہ موصول ہوا ہے، ٹرینیڈاڈ کے وزیر اعظم ڈاکٹر کیتھ راولی نے انکشاف کیا ہے لیکن زور دے کر کہا ہے کہ قومی سلامتی کی تیاریوں اور ردعمل کی تیاری میں اضافی کوشش کی جائے گی۔ خطرے کو بے اثر کرنے کے لیے مزید بہتر انتظامات کئے جائیں گے۔ٹورنامنٹ جس میں ہندوستان سمیت 20 ٹیمیں حصہ لے رہی ہیں ، یکم جون سے شروع ہونے والا ہے۔ میڈیا رپورٹس کے مطابق خطرہ ویسٹ انڈیز کے لیے مخصوص ہے، جو کچھ ابتدائی میچوں کو چھوڑ کر اس کی میزبانی کرے گا۔ 29 جون کو سیمی فائنل اور فائنل کے ساتھ سوپر8 کا پورا مرحلہ ویسٹ انڈیز میں ہی ہوگا۔ بدقسمتی سے، دہشت گردی کا خطرہ 21 ویں صدی کی دنیا میں ہمیشہ سے موجود خطرہ ہے، ٹرینیڈاڈ ڈیلی ایکسپریس نے یہاں کہا لیکن خطرہ سے نمنٹے کیلئے سخت انتظامات کئے جارہے ہیں۔
