ورنگل۔/7ستمبر، ( فیاکس ) جناب تاج مضطر کے مطابق بزم حمد باری تعالیٰ ورنگل کے زیر اہتمام چوتھا سہ ماہی غیر طرحی حمدیہ مشاعرہ جناب خواجہ علی الدین شریف المعروف صابر پاشاہ کی صدارت میں 5 ستمبر بروز جمعرات بعد نماز عشاء بمقام اسلامیہ ہائی اسکول برانچ شیر پورہ ، ورنگل میں منعقد ہوا۔ جناب مقبول احمد محمودی ( ہیڈ ماسٹر موظف ) بحیثیت مہمان خضوصی شریک تھے۔ مہمان شعراء اور مہمان حمد خواں میں حیدرآباد سے ڈاکٹر ناقد رزاقی، تشکیل رزاقی، کریم نگر سے مہمین الدین راہل، اشفاق وارثی و دیگر شامل تھے۔ نظامت کے فرائض جناب تاج مضطر نے بحسن خوبی انجام دیئے۔ پروگرام کا آغاز حافظ حبیب الدین شریف کی تلاوت آیات ربانی سے ہوا۔ خواجہ محمود شریف محمودی نے حمد باری تعالی پیش کی۔ مقامی میزبان شعراء کرام مجاہد حسین جوہر، قادر انصاری، حمید عکسی، حامد حسین حامد، وحید گلشن، تاج مضطر، خواجہ محمد شریف، شاہنواز منظور حسینی، اشفاق وارثی، مہمین الدین، تشکیل رزاقی، ڈاکٹر ناقد رزاقی، اقبال درد، خواجہ علی الدین شریف المعروف صابر پاشاہ، آخر میں صدر بزم خواجہ علی الدین شریف صابر نے دعاء کی۔
