نئی دہلی، 24 جولائی (یو این آئی) وزارت داخلہ کا سینٹرل وسٹا میں ایک جدید ترین دفتر میں منتقلی کا عمل جاری ہے اور زیادہ تر دفاتر پہلے ہی منتقل ہو چکے ہیں۔ سینٹرل وسٹا پروجیکٹ کا مقصد پارلیمانی ڈھانچے کو مستحکم بناتے ہوئے حکومت ہند کی تمام وزارتوں کو ایک جدید اور مرکزی نظام کے تحت ایک جگہ لانا ہے ۔ وزارت داخلہ کا تمام تر کام رائے سینا ہلز میں واقع تاریخی نارتھ بلاک سے چل رہا تھا لیکن اب وزارت کو کامن سینٹرل سیکرٹریٹ کمپلیکس میں منتقل کرنے کا عمل شروع کر دیا گیا ہے ۔ زیادہ تر سینئر افسران پہلے ہی نئے دفتر میں منتقل ہو چکے ہیں۔ اس سینٹرل وسٹا پروجیکٹ کے ایک اہم جزو سی ایس ایس کمپلیکس کا مقصد قومی دارالحکومت میں سرکاری بنیادی ڈھانچے کو مرکزیت دینا اور جدید بنانا ہے۔
نیا کمپلیکس جدید سہولیات اور بہتر سکیورٹی سے آراستہ ہے ، جو سرکاری امور کی انجام دہی کے لیے زیادہ مؤثر اور سازگار ماحول فراہم کرتا ہے ۔
وزارت کی منتقلی کا عمل جلد مکمل ہونے کی توقع ہے ۔ اس نئے کمپلیکس میں کئی وزارتوں کو ایک جگہ پر جمع کر نے سے بین الوزارتی ہم آہنگی کو بہتر بنایا جا سکے گا۔
