نئی دہلی: خارجہ سکریٹری ونے کواترا نے جمعرات کو کہا کہ وزیر اعظم نریندر مودی نے برکس سربراہی اجلاس کے موقع پر بات چیت کے دوران مشرقی لداخ میں لائن آف ایکچوئل کنٹرول (ایل اے سی) کے ساتھ حل نہ ہونے والے مسائل پر چینی صدر شی جن پنگ کو بھارت کی تشویش سے آگاہ کیا۔ انہوں نے ایک میڈیا بریفنگ میں کہا کہ وزیر اعظم نے اس بات پر زور دیا کہ سرحدی علاقوں میں امن و سکون کی بحالی اور ایل اے سی کا احترام کرنا بھارت اور چین تعلقات کو معمول پر لانے کے لیے ضروری ہے۔
