احمد آباد: وزیر اعظم نریندر مودی نے گجرات کے ایک روزہ دورے کے دوران جمعہ کو نوساری شہر میں اپنے سابق اسکول ٹیچر سے ملاقات کی۔ نرالی ملٹی اسپیشلٹی اسپتال کا افتتاح کرنے کے لیے یہاں پہنچنے کے بعد مودی نے وڈ نگر سے اپنے سابق استاد جگدیش نائک کے ساتھ کچھ وقت گزارا۔ اسپتال کے احاطے میں ان کی ملاقات کی تصویر سوشل میڈیا پر وائرل ہوگئی۔ نائک (88) جو اب تاپی ضلع کے ویارا میں رہ رہے ہیں، نے مودی کو اس وقت پڑھایا تھا جب وہ اپنے خاندان کے ساتھ مہسانہ ضلع کے وڈ نگر قصبے میں رہتے تھے نائک نے بعد میں اپنی ویارا رہائش گاہ پر صحافیوں کو بتایا، اگرچہ یہ ایک مختصر ملاقات تھی، لیکن میرے پاس یہ بیان کرنے کے لیے الفاظ نہیں ہیں کہ میں نے کیسا محسوس کیا۔ اتنے سال گزرنے کے بعد بھی میرے لیے ان کے احترام اور جذبات میں کوئی فرق نہیں آیا ان کے پوتے پارتھا نائک نے صحافیوں کو بتایا کہ انہوں نے وزیر اعظم کے دفتر کو فون کیا تھا کہ ان کے دادا وزیر اعظم سے ملنا چاہتے ہیں۔
