بنگلورو، 10 اگست (یو این آئی) وزیر اعظم نریندر مودی نے اتوار کوکے ایس آر ریلوے اسٹیشن’ پر منعقدہ تقریب میں تین نئی وندے بھارت ایکسپریس ٹرینوں کو ہری جھنڈی دکھائی۔ مودی نے بنگلورو اور شمالی کرناٹک کے بیلگاوی کے درمیان چلنے والی وندے بھارت ٹرین کو جھنڈی دکھاکر روانہ کیا۔ وزیر اعظم مودی ٹرین کے اندر بھی گئے اور مسافروں کے ساتھ ساتھ اسکول کے بچوں سے بھی بات چیت کی۔اس موقع پر انہوں نے پنجاب کے امرتسر سے جموں و کشمیر کے کٹرا اور مہاراشٹر امیں ناگپور سے پونے تک نئی وندے بھارت ایکسپریس ٹرینوں کو بھی جھنڈی دکھائی۔
