سری نگر۔ نیشنل کانفرنس کے صدر اور سابق وزیر اعلیٰ ڈاکٹر فاروق عبداللہ نے وزیر اعظم نریندر مودی کے ساتھ ہوئی کل جماعتی میٹنگ کو خوشگوار قرار دیتے ہوئے کہا ہے کہ یہ پہلا قدم تھا کہ جموں وکشمیر میں کس طرح حالات بہتر بنائے جائیں اور ایک سیاسی دور شروع کیا جائے۔ انہوں نے کہا کہ میٹنگ میں واضح کر دیا گیا کہ لوگوں میں عدم اعتماد پیدا ہوا ہے جس کو دور کرنے کی ضرورت ہے ۔ انہوں نے ان باتوں کا اظہار ہفتے کے روز یہاں اپنی رہائش گاہ پر منعقدہ ایک مختصر پریس کانفرنس کے دوران کیا اس موقعہ پر نیشنل کانفرنس کے نائب صدر اور سابق وزیر اعلیٰ عمر عبداللہ بھی موجود تھے ۔
