وزیر اعلی جناب نتیش کمار نے ویڈیو کانفرنسنگ کے ذریعے محکمہ صحت کی جائزہ میٹنگ کی. پرنسپل سکریٹری محکمہ صحت مسٹر پریتے امرت نے کورونا انفیکشن کی تازہ ترین صورتحال کے بارے میں جانکاری دی۔میٹنگ کے دوران وزیر اعلی نے کہا کہ اس بات کو یقینی بنایا جائے کہ کورونا متاثرہ افراد کو کسی بھی قسم کی پریشانی کا سامنا نہ ہو۔ انہوں نے کہا کہ محکمہ صحت منصوبہ بندی کے ساتھ بہتر مینجمنت کے ساتھ کام کرے ، حکومت کی طرف سے فنڈز کی کوئی کمی نہیں ہوگی۔ وزیر اعلی نے کہا کہ 18 سال سے اوپر اور 45 سال سے کم عمر لوگوں کے لئے بھی ویکسینیشن شروع کردی گئی ہے۔ ریاستی حکومت کے ذریعہ مفت ویکسینیشن کی جارہی ہے۔ انہوں نے کہا کہ زیادہ سے زیادہ لوگوں کو ویکسینیشن کے لئے تیزی سے کام کریں۔
