نئی دہلی: وزیر فینانس نرملا سیتا رمن کو معمول کے چیک اپ اور پیٹ میں انفیکشن کی وجہ سے آج دوپہر آل انڈیا انسٹی ٹیوٹ آف میڈیکل سائنسز (ایمس) میں داخل کرایا گیا۔ ذرائع کے مطابق پریشان ہونے کی کوئی بات نہیں، نرملا سیتا رمن کو جلد ہی اسپتال سے چھٹی مل سکتی ہے ۔سرکاری ذرائع نے صرف اس بات کی تصدیق کی ہے کہ وزیر خزانہ کو ایمس میں داخل کرایا گیا ہے لیکن نہ ہی اسپتال اور نہ ہی وزارت نے اس بارے میں مزید تفصیلات شیئر کی ہیں۔ نرملا سیتا رمن حال ہی میں ختم ہونے والے سرمائی اجلاس کے دوران پارلیمنٹ میں سرگرم تھیں اور مرکزی بجٹ کے حوالے سے مختلف اسٹیک ہولڈرز کے ساتھ متواتر میٹنگیں کرتی رہی ہیں۔
