نئی دہلی : کانگریس کے سابق صدر راہول گاندھی نے لکھیم پور واقعہ پر کہا ہیکہ اگر کسی خاتون کو ایف آئی آر کے بغیر حراست میں رکھا جاتا ہے اور ایک وزیر کا بیٹا ستیہ گرہیوں کو اپنی گاڑی سے کچلتا ہے تو یقینی طور پر ملک کا آئین خطرے میں ہے۔ منگل کو یہاں جاری ایک بیان میں گاندھی نے کہا کہ حکومت مسلسل غلط اقدامات اٹھا رہی ہے اور ہر قدم کے ساتھ ملک کا آئین خطرے میں آ رہا ہے ۔انہوں نے کہا کہ اگر کسی وزیر کا بیٹا ستیہ گرائیوں کسانوں کو اپنی گاڑی کے نیچے کچلتا ہے تو ملک کا آئین خطرے میں ہے ۔ اگر ویڈیو منظر عام پر آنے کے بعد بھی اسے حراست میں نہیں لیا گیا تو ملک کا آئین خطرے میں ہے ۔انہوں نے کانگریس کی جنرل سکریٹری پرینکا گاندھی کی نظربندی کو آئین کیلئے خطرہ قرار دیتے ہوئے کہا اگر کسی خاتون لیڈر کو 30 گھنٹے تک ایف آئی آر کے بغیر حراست میں لیا جائے تو ملک کا آئین خطرے میں ہے ۔
