نئی دہلی، 18 جولائی (سیاست ڈاٹ کام ) وزیر خارجہ ایس جیے شنکر نے جمعرات کو راجیہ سبھا میں کہا کہ ایک وزیر یا سفارتکار کے طور پر حکومت کی پالیسیوں پر عمل کرنا ہوتا ہے ۔ مسٹر جیے شنکر سے سوال کے دوران کانگریس کی امبیکا سونی نے ان کے چین میں ہندوستانی سفیر کے عہدے پر رہنے اور اب غیر ملکی وزیر بننے کے بعد اس ہمسایہ ملک کے ساتھ پالیسی کے بارے میں پوچھا تھا۔اس پر انہوں نے کہا کہ وزیر یا سفارتکار کے طور پر حکومت کی پالیسیوں پر عمل کرنا ہوتا ہے ۔ وزیر کے طور پر پہلی بار ایوان میں سوالوں کا جواب دیتے ہوئے مسٹر جیے شنکر نے کہا کہ بہتر تعلقات دونوں ممالک کے لئے انتہائی اہم ہیں ۔ انہوں نے کہا کہ برہمپتر ندی پر چین میں باندھ بنائے جانے کے سلسلے میں ماہرین کی سطح پر مذاکرات ہوئے ہیں۔ تخفیف اسلحہ اور نیوکلیائی عدم پھیلاؤ کے سلسلے میں سالانہ ہند۔چین دو طرفہ مذاکرات اس سال تین جون کو یہاں ہوئے تھے ۔ مذاکرات کا یہ چھٹا دور تھا جس میں دونوں فریقوں نے ترک جوہری اسلحہ اور ایٹمی عدم پھیلاؤ، کثیر جہتی ایکسپورٹ کنٹرول نظام، حیاتیاتی ہتھیار، کیمیائی ہتھیاروں وغیرہ کے مسائل پر بات چیت کی تھی۔ انہوں نے کہا کہ اس کے علاوہ وزارت خارجہ اور فوجی سطح پر بھی بات چیت ہوتی رہتی ہے ۔
