واشنگٹن: امریکی ریاست وسکونسن میں ووٹوں کی دوبارہ گنتی میں بھی صدر ڈونالڈ ٹرمپ کے خلاف ڈیموکریٹک امیدوار جو بائیڈن کی جیت کی تصدیق کی گئی ہے ۔’واشنگٹن پوسٹ‘ کی ایک رپورٹ کے مطابق 18 نومبر کو ٹرمپ کی ٹیم نے وسکونسن کے دو سب سے بڑے حلقے ’ملووکی‘ اور’ڈین ‘ میں دوبارہ ووٹوں کی گنتی کی درخواست کی تھی ۔ یہاںبائیڈن نے تقریبا 20,000 ووٹوں سے کامیابی حاصل کی۔رپورٹ کے مطابق ووٹوں کی دوبارہ گنتی میں نہ صرف ملووکی اور ڈین میں بائیڈن کی فتوحات کی تصدیق ہوئی بلکہ وسکونسن میں انہوں نے مزید 87 ووٹ حاصل کئے ۔ ٹرمپ نے 3 نومبر کے صدارتی انتخابات میں بائیڈن کی فتح کو اب بھی پوری طرح قبول نہیں کیا ہے ۔
