لاہور: سوئنگ کے سلطان پاکستان کے سابق لجنڈری بولر وسیم اکرم کے بیٹے اکبر اکرم نے ماڈلنگ کی دنیا میں قدم رکھ دیا ہے۔ حقیقی زندگی سمیت سوشل میڈیا پر بھی متحرک رہنے والے سابق کرکٹر وسیم اکرم نے سوشل میڈیا پر بیٹے اکبر کے ساتھ متعدد تصویروں پر مبنی پوسٹ شیئر کی ہے۔ وسیم نے اس سے قبل کی گئی ایک پوسٹ کے کیپشن میں اعلان کیا کہ میرے بیٹے، مجھے آپ پر بہت فخر ہے، آپ بڑے ہو گئے ہو، 24 ویں سالگرہ کے موقع پر میں اپنے بیٹے کی پہلی ماڈلنگ جاب کی ایک تصویر چپکے سے شیئر کر رہا ہوں۔ دیگر پوسٹس میں وسیم اپنے بیٹے کے ساتھ خود بھی کلوتھنگ برانڈ کیلئے ماڈلنگ کرتے نظر آ رہے ہیں۔
