حیدرآباد،3 جولائی ( یو این آئی) آندھرا پردیش کے وشاکھاپٹنم میں ایک لڑکی پر نامعلوم افرادنے پٹرول ڈال کر آگ لگادی۔یہ واقعہ منگل کی شب ضلع کے شیواجی پالیم علاقہ میں پیش آیا۔پولیس کے مطابق وینکوجی پالیم علاقہ کی رہنے والی اس 25سالہ لڑکی پر نامعلوم افراد نے پٹرول ڈال کر آگ لگادی جس پر اس لڑکی نے جان بچانے کیلئے لوگوں کی مدد کے لئے چیخ وپکار شروع کردی۔اس لڑکی کو جلتا ہوا دیکھ کر مقامی افراد نے اس کو بچانے کی کوشش کی اور اس کو کے جی ایچ اسپتال منتقل کردیاگیا۔اس واقعہ کی اطلاع ملتے ہی پولیس مقام واقعہ پہنچی۔بعد ازاں پولیس نے اسپتال میں لڑکی سے اس واقعہ کی تفصیلات حاصل کیں۔یہ لڑکی کاویا، وشاکھاپٹنم کے ایک پرائیویٹ اسپتال میں کام کرتی ہے ۔
