شادی کی تقریب سے واپسی کے دوران بس، لاری سے ٹکراگئی ، 20 افراد زخمی
حیدرآباد : 20مئی (سیاست نیوز) شادی کی تقریب سے واپسی کے دوران گاڑی حادثہ کا شکار ہوگئی جس کے نتیجہ میں 4افرادہلاک اور20 سے زائد زخمی ہو گئے ۔یہ حادثہ وقارآباد ضلع کے پرگی علاقہ کی قومی شاہراہ 163 کے قریب رنگا پور کے مقام پر آج صبح پیش آیا۔ذرائع کے مطابق پرائیویٹ ٹراویلس کی بس، بارات کو لے جارہی تھی کہ اس کے ڈرائیور نے توازن کھودیا اوریہ بس سڑک کے کنارے کھڑی ایک لاری سے ٹکرا گئی۔ اس حادثہ میں چار افراد موقع پر ہی ہلاک ہو گئے جبکہ 20 سے زائد زخمی ہو گئے ۔ زخمیوں میں سے 6 کی حالت تشویشناک ہے ۔ ہلاک ہونے والوں کی شناخت ملیش، سندیپ، بالامنی اور ہیم لتاکے طورپر کی گئی ہے ۔ پولیس اطلاع ملتے ہی جائے حادثہ پر پہنچ گئی اور زخمیوں کو فوری طور پر قریبی ہاسپٹل منتقل کیا گیا۔ متاثرین جنہوں نے 16 مئی کو پرگی میں ایک شادی میں شرکت کی تھی وہ پیر کی رات دلہن کی رہائش گاہ پر رسمی عشائیہ کے بعد واپس آرہے تھے۔منگل کی صبح تقریباً 2 بجے جب شادی کی پارٹی کی بس رنگا پور کے مضافات میں پہنچی تو حادثہ کا شکار ہوگئی۔ تمام مسافر رنگا ریڈی ضلع کے شاد نگر منڈل کے چندن ویلی گاؤں کے رہنے والے تھے ۔ پولیس نے مقدمہ درج کر کے تحقیقات کا آغاز کردیا۔ ش