محبوب نگرمیںٹی ایف ٹی یوکا اجلاس ‘انورپاشاہ ‘حنیف احمد اوردیگر شخصیتوںکا خطاب
محبوب نگر۔ 28 دسمبر (سیاست ڈسٹرکٹ نیوز) کو محبوب نگر ٹاؤن میں آر اینڈ بی گیسٹ ہاؤس کے قریب محبوبیہ آل پارٹی مسلم لیڈران کا ایک اجلاس TFTU ریاستی جنرل سکریٹری ایس ایم خلیل کی صدارت میں منعقد ہوا۔ اس اجلاس میں مسلم سیاسی جماعتوں کے قائدین، عوامی انجمنوں کے قائدین، علمائے کرام اور روحانیت پسندوں نے شرکت کی۔ سماجی کارکن حنیف احمد نے وقف املاک کے تحفظ کے لیے پوری مسلم برادری سے متحد ہونے کا مطالبہ کیا۔ انہوںنے کہا کہ اس سلسلہ میں ایس سی، ایس ٹی، بی سی اور دیگر طبقات کا تعاون لیا جائے۔ انہوں نے کہا کہ تلنگانہ ریاستی سطح پر اقلیتی مسائل کے حل کے لیے ایک وفد تشکیل دیا جائے اور ریاستی چیف منسٹر کو میمورنڈم پیش کیا جائے۔ممتاز سماجی جہدکار انور پاشاہ نے کہا کہ وقف املاک کا تحفظ مرکزی اور ریاستی حکومتوں کی ذمہ داری ہے۔ ان کا کہنا تھا کہ ڈیڈ لائن لگانا درست نہیں۔ ایم اے ہادی نے بات کرتے ہوئے کہاکہ محبوب نگر حلقہ میں اردوگر، شادی خانہ اور حج ہاؤس کی تعمیر میں تاخیر ہورہی ہے۔ انہوں نے مقامی اراکین اسمبلی سے رابطہ کرکے مسائل کو فوری حل کرنے پر زور دیا۔پیر فیسٹیول آرگنائزرز ایسوسی ایشن کے کنوینر جی گٹنا نے خطاب کرتے ہوئے اپنی تشویش کا اظہار کیا کہ پیر کی مساجد اور پیر کی حویلیوں کو نظر اندازکیا جا رہا ہے۔ انہوں نے کہا کہ نہ تو وقف بورڈ کے عہدیدار اور نہ ہی سرکاری عہدیدار وقف کے تحفظ کے لئے کارروائی کررہے ہیں۔ سینئر رہنما خواجہ نظام الدین نے کلمات تشکر پیش کیا۔اس تقریب میں ALMEVA کے ریاستی صدر فاروق حسین، جامع مسجد سکریٹری ایم اے مجید، ممتاز صحافی رفیق پٹیل، ذاکر ایڈوکیٹ، مولانا نصر، مولانا اسماعیل، احمد ثناء ، ٹی آر ایس قائدین عمران، تقی حسین، صادق بھٹ پور، مجیب، بابر شیخ، رحمن ریٹائرڈ ہیڈ ماسٹر، ریاض محمد ون، ریاض محمد خان، ریاض محمد خان، ریاض خان اور دیگر نے شرکت کی۔ نورالحسن، سلیم ایمان کمیٹی، جہانگیر، ٹی آر ایس قائدین اقبال، واحد تاج، جبار مجاہد اور دیگر۔