میر پور۔22 اکتوبر (ایجنسیز) ویسٹ انڈیز نے بنگلہ دیش کو دوسرے ونڈے میں سنسنی خیز مقابلے کے بعد سوپر اوور میں شکست۔ تین میچوں کی سیریز1-1 سے برابر ہوئی۔ میرپور میں کھیلے گئے میچ میں بنگلہ دیش اور ویسٹ انڈیز کے درمیان میچ مقررہ اوورز میں ٹائی ہوگیا تھا، جس کا فیصلہ سپر اوور میں ہوا اور میزبان ٹیم 10 رنزکا ہدف حاصل نہ کرسکی۔ بنگلہ دیش نے پہلے بیٹنگ کی اور مقررہ 50 اوورز میں 7 وکٹ پر 213 رنز بنائے، جواب میں ویسٹ انڈیز نے 9 وکٹ کے نقصان پر اسکور برابرکردیا۔ اس میچ کی ایک اور خاص بات یہ رہی ویسٹ انڈیز کے تمام اوورس اسپنرس نے ڈالے ۔