چھترپتی سمبھاجی نگر: آل انڈیا مجلس اتحاد المسلمین (اے آئی ایم آئی ایم) کے امیدوار امتیاز جلیل نے منگل کو کہا کہ ‘ووٹ جہاد’ جیسی کوئی چیز نہیں ہے بلکہ یہ بی جے پی کی انتخابی بیان بازی کا حصہ ہے۔ مہاراشٹرا کی اورنگ آباد ایسٹ اسمبلی سیٹ سے امیدوار جلیل نے میڈیا سے بات کرتے ہوئے دعویٰ کیا کہ حکمران بی جے پی مجلس جیسی چھوٹی پارٹی سے خوفزدہ ہے۔ اورنگ آباد سے تعلق رکھنے والے سابق لوک سبھا ممبر نے بھی کہا کہ لوگوں کو اس بات کو یقینی بنانا چاہیے کہ ان کے ووٹوں سے بی جے پی اور وزیر اعلیٰ ایکناتھ شندے کی زیر قیادت شیو سینا کو کوئی فائدہ نہ پہنچے۔ جلیل، جو اس سیٹ پر ریاستی حکومت کے وزیر اور بی جے پی لیڈر اتل سیو کے خلاف مقابلہ کر رہے ہیں، نے یہ بھی کہا کہ حکمراں جماعت کی طرف سے کھیلا جانے والا ‘ہندو مسلم ایل کارڈ چھترپتی سمبھاجی نگر میں کسی قسم کی بدامنی پیدا نہیں کرے گا۔
