بیجنگ ۔12 مئی (سیاست ڈاٹ کام)چین کے شہر ووہان میں نئے کورونا کیسیس سامنے آنے کے بعد پوری آبادی کا کورونا ٹیسٹ کرنے کا فیصلہ کیا گیا ہے۔امریکی میڈیا رپورٹس کے مطابق ووہان میں دس دن میں تقریبا 1 کروڑ دس لاکھ افراد کے ٹیسٹ کیے جائیں گے۔35 روز کے وقفے کے بعد ووہان میں گزشتہ ہفتے چھ افراد میں وائرس کی تشخیص ہوئی تھی۔پیر کو چین میں مجموعی طور پر 17 نئے کیسیس سامنے آئے جو کہ 28 اپریل کے بعد سب سے زیادہ ہیں۔ ان کیسیس کے بعد چین میں کورونا کے مریضوں کی تعداد 82918 ہوگئی ہے جبکہ 4633 افراد ہلاک ہوچکے ہیں۔مقامی انتظامیہ کے مطابق ووہان میں حالیہ تمام کیسیس مقامی تھے، کوئی بھی باہر سے نہیں آیا۔
