کوئمبتور (ٹاملناڈو): 23 نومبر ( ایجنسیز ) وِنگ کمانڈر نماش سیال کا جسد خاکی اتوار کے روز کوئمبتور لایا گیا۔ وِنگ کمانڈر سیال کی موت دبئی ایئر شو میں فضائی مظاہرے کے دوران طیارہ حادثے میں ہوئی تھی۔کوئمبتور ضلع کے کلکٹر پون کمار جی گریاپّانور نے سیال کو خراجِ عقیدت پیش کیا۔ سیال کا تعلق ہماچل پردیش سے تھا۔ جمعہ (21 نومبر) کو دبئی ایئر شو کے فضائی مظاہرے کے دوران ملکی ساختہ ہلکے ملٹی رول لڑاکا طیارے (LCA) ‘تیجس’ کے حادثے کے باعث ان کی موت واقع ہوگئی تھی۔’ سُلور فضائیہ اسٹیشن کوئمبتور کے قریب بھارتی فضائیہ کا ایئر بیس ہے، جس کا انتظام جنوبی فضائی کمان کرتی ہے۔