ممبئی : کیا ریڈیو جاکی(آرجے) مہوش کی کرکٹر یوزویندر چہل سے متعلق نئی ویڈیو نے ڈیٹنگ کی افواہوں کو تقویت دی ہے؟ رپورٹس کے مطابق مہوش اور چہل کی ڈیٹنگ کی افواہیں پہلی بار دسمبر 2024ء میں اْس وقت سامنے آئیں جب سوشل میڈیا پر ایک تصویر شیئر کی گئی، جس میں وہ کرکٹر کے ساتھ کرسمس مناتے نظر آئیں۔ دھن شری ورما اور یوزویندر چہل کی علیحدگی کے بعد ایک بار پھر آرجے مہوش کی ڈیٹنگ کی افواہیں سرخیاں بن رہی ہیں، دونوں کو اکثر ایک ساتھ دیکھا جارہا ہے ، کہا جاتا ہے کہ دونوں کا رشتہ رومانوی ہے۔ ان خبروں کے درمیان ایک ویڈیو سامنے آئی ہے، جس میں وہ کرکٹر کیلئے خوش ہیں، ایک اپیلی کیشن کے اشتہار پر مبنی ویڈیو میں مہوش کرکٹ ٹیم بنانے اور پیسہ کمانے سے متعلق بات کرتی ہیں۔ ویڈیو کے آخر میں خاتون آرجے کہتی ہیں کہ ’ٹیم بناو اور پیسہ کماوکیونکہ وکٹ تو چہل لے ہی لے گا۔کرسمس کے بعد دونوں ایک ساتھ کئی مقامات پر نظرآئے ہیں، چہل کے ساتھ بعض ایک پراسرار لڑکی دیکھی گئی ہے، جس سے متعلق انٹرنیٹ صارفین کا دعویٰ ہے کہ وہ آر جے مہوش ہی ہے۔حالیہ دنوں میں دبئی میں چمپئنز ٹرافی کے میچز کے دوران اْن کی اسٹیڈیم کی ویڈیو زاور تصاویر سوشل میڈیا پر وائرل ہوئیں۔اس سے پہلے آرجے مہوش انسٹاگرام پوسٹ میں ڈیٹنگ کی افواہوں کی تردید کرچکی ہیں اور انٹرنیٹ پر زیرگردش قیاس آرائیوںکو مضحکہ خیز قرار دے چکی ہیں۔ پوسٹ میں استفسارکیا تھا کہ اگر آپ کسی کو جنس مخالف کے ساتھ دیکھیں گے تو یہی کہیں گے ۔
