ویانا: ایرانی نیوکلیئرمعاہدے میں شامل ممالک نے ویانا میں ایرانی مذاکرات کاروں کے ساتھ بات چیت دوبارہ شروع کر دی،جس کا مقصد امریکہ کو ایک بار پھر اس معاہدے کا حصہ بنانا ہے۔ 2015 ء میں امریکہ سمیت 6عالمی طاقتوں اور ایران کے درمیان ایک نیوکلیئرمعاہدہ طے پایا تھا، جس کے تحت نیوکلیئرسرگرمیاں محدود کرنے کے بدلے میں تہران پر عائد امریکی اور عالمی پابندیوں میں نرمی پر اتفاق کیا گیا تھا۔ تاہم 2018 ء میں امریکہ اس سے یک طرفہ طور پر نکل گیا تھا۔