کراچی۔ 6 فروری (سیاست ڈاٹ کام) سابق پاکستانی لیگ اسپنر عبدالقادر نے کہا کہ ہندوستانی کپتان ویراٹ کوہلی اور سابق کپتان و موجودہ وزیراعظم عمران خاں میں کئی مشابہتیں ہیں۔ عبدالقادر نے منگل کی رات ایک ٹی وی شو میں کہا کہ ویراٹ کوہلی میں سب سے پہلی خصوصیت بحیثیت کپتان و بلے باز عمران خاں کی طرح پہلے وہ کھلاڑیوں کیلئے خود مثال قائم کرتے ہیں، پھر ساتھی ارکان ٹیم سے وہی توقع رکھتے ہیں۔ انہوں نے کہا کہ وہ دونوں کا تقابل تو نہیں کریں گے، لیکن کوہلی میں قیادت کی بھرپور صلاحیت موجود ہے۔ عمران خاں کی طرح کوہلی بھی دوسرے کھلاڑیوں کو نہ صرف اچھے کھیل کیلئے مجبور کرتے ہیں اور پھر کارکردگی کی ذمہ داری بھی اپنے سر لیتے ہیں۔ سابق اسپنر جنہوں نے عمران خان کین زیرقیادت 67 ٹسٹ میچس اور 104 ونڈے انٹرنیشنل کھیل چکے ہیں۔ ہندوستان ہیڈ کوچ روی شاستری کے اس بیان پر تبصرہ کررہے تھے جس میں انہوں نے کوہلی کو ووین رچرڈس اور عمران خان کے مماثل قرار دیا تھا۔
