بیجنگ: چین نے امریکہ کی جانب سے چینی طلبا، محققین کے ویزے منسوخ کرنے کے عمل کو سیاسی، نسلی امتیازی سلوک قرار دیا ہے اور کہا ہے کہ چین جوابی کارروائی کا حق محفوظ رکھتا ہے۔چینی وزارت خارجہ کا کہنا ہے کہ امریکی اقدام چینی طلبا،محققین کے انسانی حقوق کی خلاف ورزی ہے،چین اپنے طلبا کی حوصلہ افزائی کرتا رہے گا۔ امریکہ نے ایک ہزار چینی طلبہ، محققین کے ویزے منسوخ کردیئے واضح رہیکہ امریکہ نے قومی سلامتی کیلئے خطرہ قرار دیتے ہوئے 1000چینی طلبہ اور محققین کے ویزے منسوخ کیے ہیں ، امریکی میڈیا کے مطابق چینی طلبہ اور محققین کے ویزے 29 مئی کے صدارتی حکم نامے کے تحت منسوخ کیے گئے ہیں۔امریکی دفتر خارجہ کا کہنا تھا کہ مخصوص چینی طلبہ اور محققین کے چینی فوج سے اندرون خانہ رابطوں کی وجہ سے خطرہ ہے کہ وہ حساس تحقیقی مواد چوری کرسکتے ہیں۔
