ملتان: ملتان ٹسٹ کے تیسرے دن پاکستان نے ویسٹ انڈیزکو 127 رنز سے ہرا کر 2 میچز کی سیریز میں 1-0 کی برتری حاصل کرلی۔ دونوں اننگز میں پاکستانی اسپنرز ویسٹ انڈیزکے بیٹرز پر قہر بن کر ٹوٹے۔آج ٹسٹ میچ کے تیسرے دن پاکستان ٹیم دوسری اننگز میں ویسٹ انڈیز کے خلاف 157 رنز بنا کر آؤٹ ہوئی جس کے بعد مہمان ٹیم کو جیت کے لیے251 رنزکا ہدف ملا تھا۔ پہلی اننگز کے بعد ایک مرتبہ پھر ساجد خان ویسٹ انڈیز ٹیم کے بیٹرزکے لیے مشکل بن گئے۔اسپنر ساجد خان کی بدولت پاکستان نے 12.5 اوورز میں ہی ویسٹ انڈیزکی چار وکٹیں صرف 37 رنز پر حاصل کرلیں۔ بعدازاں نعمان علی نے بھی ایک وکٹ لے کر ویسٹ انڈیزکی آدھی ٹیم کو واپس پویلین بھیج دیا۔ نعمان علی نے54 رنز پر ویسٹ انڈیز کی پانچویں وکٹ حاص کی اور میچ پاکستان کے لیے مزید آسان کردیا۔اس کے بعد بھی پاکستانی بولرز مسلسل ویسٹ انڈیزکے بیٹرز کو پریشان کرتے رہے۔ویسٹ انڈیز کی چھٹی وکٹ 95 رنز پر گری جس کے بعد لگاتار 3 وکٹس 123 رنز پر گریں۔مہمان ٹیم کی آخری وکٹ 123 رنز پرگری ۔ دوسری اننگز میں ساجد خان نے 5، ابرار احمد 4 اور نعمان علی نے 1 وکٹ حاصل کی۔
