لندن۔29 دسمبر ( سیاست ڈاٹ کام) ویسٹ انڈیز کے عظیم کرکٹر کلائیو لائیڈ کو برطانیہ کے باوقار نائیٹ ہڈ اعزاز سے نوازا جائے گا جبکہ انگلینڈ کو آئی سی سی ورلڈ کپ -2019 کا خطاب دلانے والی کرکٹ ٹیم کے پانچ کھلاڑیوں کو کوئین نیو ایئر اعزاز کی فہرست میں شامل کیا گیا ہے۔سابق ویسٹ انڈیز کپتان لائیڈ کی قیادت میں کیریبین ٹیم کا کئی برسوں تک کرکٹ میں دبدبہ رہا تھا۔ 75 سال کے سابق کیریبین کپتان کو نئے سال پر نائیٹ ہڈ اعزاز سے نوازا جائے گا جس کی جانکاری ویسٹ انڈیز کرکٹ بورڈ نے ٹویٹ کرکے دی ہے۔ لائیڈ نے 1974 سے 1985 تک ویسٹ انڈیز ٹیم کی کپتانی کی۔ ان کے علاوہ ویسٹ انڈیز کے گیری سوبرس، ایورٹن اور ویوین رچرڈز کو بھی اس ایوارڈ سے نوازا جا چکا ہے۔انگلینڈ ون ڈے کرکٹ ٹیم کے کپتان کو سی یبی، بین اسٹوکس کو او بی ای، جوس بٹلر اور جو روٹ کو ایم بی آ اور ٹیم کے سابق کوچ ٹریور بیلس کا نام او بی ای اعزاز فہرست میں شامل کیا گیا ہے۔ ان پانچ کھلاڑیوں کے علاوہ انگلینڈ اور ویلز کرکٹ بورڈ کے چیئرمین کولن گریوس کو س ا ب اس فہرست میں شامل کیا گیا ہے۔
