کراکس : 4 جنوری ( ایجنسیز ) وینزویلا کی اپوزیشن سیاستدان اور نوبیل امن انعام یافتہ ماریہ کورینا نے صدر نکولس مدورو کی گرفتاری پر کہا کہ وینزویلا میں عوامی حکومت کے قیام کا وقت آ چکا ہے۔ انٹرنیٹ پر وینزویلا کے عوام کے نام کھلے خط میں ماریہ کورینا نے اپوزیشن لیڈر ایڈمنڈو گونزالیز کی ملک کے نئے لیڈر کے طور پر حمایت کا اعلان کیا اور کہا کہ مدورو کو اب بین الاقوامی انصاف کا سامنا کرنا ہوگا۔انہوں نے کہا اب وینزویلا میں امن ہوگا، سیاسی قیدی رہا کیے جائیں گے، 2024 کے انتخابات میں حقیقی کامیابی گونزالیز نے حاصل کی تھی۔ماریہ کورینا کا کہنا تھا کہ گونزالیز انہیں فوری طور پر اپنی آئینی ذمہ داری سنبھالنی چاہیے۔واضح رہے کہ امریکہ نے ہفتہ کو وینزویلا پر حملہ کیا اور امریکی ڈیلٹا فورس وینزویلا کے صدر مدورو اور ان کی اہلیہ کو ان کے صدارتی محل سے اٹھا کر لے گئی۔