بنگلورو: کرناٹک کے ضلع اوڈوپی میں ایک افسوسناک حادثہ پیش آیا، جہاں ایک اسکول بس کے ٹائر میں ہوا بھرتے وقت اچانک ٹائر پھٹ گیا۔ یہ واقعہ کٹیشور کے قریب نیشنل ہائی وے 66 پر واقع ایک ٹائر پنکچر کی دکان پر پیش آیا جس میں 19 سالہ عبدالرشید میکانک کام کررہا تھا، زخمی ہوگیا۔ بتایا گیا ہے کہ ایک اسکول بس ٹائر پنکچر کے مسئلہ کے ساتھ دکان پر آئی۔ عبدالرشید نے ٹائر کی مرمت کی اور اس میں ہوا بھرنا شروع کیا۔ جیسے ہی وہ ہوا بھررہا تھا، اچانک ٹائر زور دار آواز کے ساتھ پھٹ گیا جس کے نتیجہ میں عبدالرشید زور سے ہوا میں اچھل پڑا اور تھوڑے فاصلے پر جاگرا۔اس حادثہ میں عبدالرشید کے سرپر شدید چوٹیں آئیں۔ فوری طور پر اسے قریبی ہاسپٹل منتقل کیا گیا جہاں اس کا علاج جاری ہے۔ یہ دل دہلادینے والا منظر وہاں لگے سی سی ٹ ی وی کیمرے میں قید ہوگیا اور اس کی ویڈیو سوشل میڈیا پر وائر ہوگئی۔
