ونسکونسن: امریکہ کی ایک ٹافی کمپنی نے اپنی گولڈ بیئر گمی کینڈیز استعمال کرتے ہوئے اپنے میسکوٹ کا 353.1 مربع فٹ پچی کاری بنا کر گینیز ورلڈ ریکارڈ اپنے نام کرلیا۔ یونیورسٹی آف ونسکونسن پارک سائیڈ کے جمنازیم میں کمپنی نے تقریباً دیڑھ لاکھ گمی بیئر استعمال کرتے ہوئے میسکوٹ گولڈ بیئر کی تصویر بنائی۔کمپنی کے تقریباً 300 ملازمین نے اپنے دوستوں، گھر والوں اور دیگر مقامی افراد کی مدد سے یہ پچی کاری چار گھنٹوں میں مکمل کی۔ شاہکار کے مکمل ہونے کے بعد گینیز ورلڈ ریکارڈز کے ایک عہدے دار نے اس کا معائنہ کیا اور پھر تصویر کو دنیا کا سب سے بڑا جیلی ٹافی سے بنی پچی کاری قرار دیا۔