نیویارک ؍ ممبئی 25 اکتوبر (ایجنسیز) امریکہ میں قائم جنوبی ایشائی ادارے ’سلام‘ نے رپورٹ میں انکشاف کیا کہ ہندوستانی ٹاٹا گروپ غزہ میں نسل کشی میں اسرائیل کی معاون اور مدد گار رہی ہے۔ غیرملکی میڈیا کے مطابق امریکی شہر نیو یارک میں قائم جنوبی ایشائی ادارے سلام نے 59 صفحات مشتمل رپورٹ شائع کی ہے جس میں ہندوستانی اسرائیل گٹھ جوڑ بے نقاب کرتے ہوئے اس سے فائدہ اٹھانے والے ادارے ٹاٹا کے حوالے سے انکشاف کیا کہ اس ادارے نے غزہ میں نسل کشی میں اسرائیل کی معاونت کی ہے۔ رپورٹ بتاتی ہے کہ ہندوستانی ادارے ٹاٹا کمپنی ذیلی ادارے ٹاٹا ایڈوانسڈ سسٹمز (TASL) نے اسرائیل کیلئے نئے ایف سولہ طیاروں اور اپاچی گن شپ ہیلی کاپٹرز کے اہم حصہ مہیا کیے جنہوں نے غزہ میں جاری بمباری میں اہم کردار ادا کیا۔ یہی ادارہ ٹی ایس ایل اسرائیلی ایرو اسپیس انڈسٹری کے لیے براک 8 میزائل سسٹم کا کمانڈ اینڈ کنٹرول سسٹم بھی بناتا ہے، جبکہ ٹاٹا موٹرز کے گاڑیاں تیار کرنے والے جیگوار لینڈ روور گشت میں استعمال ہونے والے اسرائیلی فوجی گاڑیوں کے بنیادی حصہ تیار کرتی ہے۔ رپورٹ میں مزید انکشاف کیا کہ ٹاٹا گروپ نے غزہ میں نسل کشی کیلئے اسرائیلی ڈرون، گولہ بارود اور یہاں تک کہ اپنے مزدور بھی مہیا کیے۔
