انقرہ،14نومبر(سیاست ڈاٹ کام) ترک صدر رجب طیب اردغان نے ترکی میں بغاوت کرنے والے گروپ کے خلاف کارروائی کا مطالبہ کیا ہے ۔انہوں نے اپنے امریکی ہم منصب ڈونالڈ ٹرمپ سے واشنگٹن میں ملاقات کی، جس میں انہوں امریکی صدر سے مطالبہ کیا کہ ترکی میں بغاوت کرنے والوں کے خلاف کارروائی کی جائے ۔رجب طیب اردغان کا کہنا تھا کہ فتح ﷲ گولن امریکہ میں 400 ایکڑ پر محیط علاقے میں رہائش اختیار کئے ہوئے ہے ، وہ امریکہ سے دنیا بھر میں نیٹ ورک چلارہا ہے جو ناقابل قبول ہے۔ واضح رہے کہ امریکہ روانگی سے قبل رجب طیب اردغان نے کہا تھا کہ امریکی صدر سے ملاقات میں شام میں ترکی کے ملٹری آپریشن، فتح ﷲ گولن کی تنظیم کے خلاف ان کی کارروائیوں پر بات چیت ملاقات کے ایجنڈے کا اہم موضوع ہوں گے ۔