نئی دہلی 24 فروری (سیاست ڈاٹ کام) امریکی صدر ڈونالڈ ٹرمپ دو روزہ دورہ ہند پر ہیں اور یہاں وہ وزیراعظم نریندر مودی سے مختلف موضوعات پر بات چیت کریں گے۔مودی۔ٹرمپ ملاقات کے درمیان ایمنسٹی انٹرنیشنل ہندوستان اور ایمنسٹی انٹرنیشنل امریکہ نے ایک مشترکہ بیان جاری کرتے ہوئے دونوں قائدین کے مبینہ مخالف مسلم پالیسیوں پر تنقید کی۔بیان میں کہا گیا کہ امریکہ اور ہندوستان کے دونوں اعلیٰ رہنماؤں کی پالیسیوں میں مخالف مسلم جذبات بظاہر نظر آتے ہیں۔ایمنسی انٹرنیشنل کے مطابق امریکہ اور ہندوستان کے درمیان کئی دہائیوں سے انسانی حقوق اور اقدار کے دعوؤں کے ساتھ رشتے استوار ہیں۔ایمنسٹی امریکہ کے ایکزیکٹیو ڈائرکٹر مارگریٹ ہوانگ نے کہا کہ موجودہ ماحول میں رہنما تعصب پسندی، امتیازی سلوک اور پناہ گزینوں کے ساتھ دشمن آمیز رویہ اختیار کئے ہوئے ہیں۔ایمنسٹی انڈیا کے ایکزیکٹیو اویناش کمار نے کشمیر کے حالات، سی اے اے کے نفاذ اور احتجاجیوں پر بربریت کے واقعات پر تشویش کا اظہار کیا۔ انہوں نے مودی۔ ٹرمپ ملاقات کے دوران عالمی برادری کے ساتھ مل کر کام کرنے کے عزم کے اظہار کا مطالبہ کیا۔۔
