واشنگٹن ۔ 19 اگست (ایجنسیز) امریکہ کے صدر ڈونالڈ ٹرمپ نے ملک میں پوسٹل بیلٹ کا نظام ختم کرنے کا عندیہ دیدیا۔ڈونالڈ ٹرمپ نے کہا کہ امریکہ میں پوسٹل بیلٹ کا نظام ختم ہونا چاہیے۔ امریکہ میں مڈٹرم الیکشن سے پہلے صدر ٹرمپ نے اہم بیان جاری کرتے ہوئے کہا کہ بطور ری پبلکن پارٹی ہم پوسٹل بیلٹ نظام ختم کریں گے۔ انہوں نے کہا کہ پوسٹل بیلٹ ختم کرنے کے لیے ایگزیکٹو آرڈر جاری کیا جائے گا۔ ٹرمپ کا مزید کہنا تھا کہ پوسٹل بیلٹ ختم کرنے سے متعلق ایگزیکٹو آرڈر کی تیاری جاری ہے۔
غزہ سے یرغمالیوں کی واپسی کیلئے حماس کا خاتمہ ضروری : ٹرمپ
واشنگٹن: 19 اگست (ایجنسیز) امریکی صدر ڈونالڈ ٹرمپ نے کہا ہے کہ غزہ سے یرغمالیوں کی واپسی اْس وقت تک ممکن نہیں جب تک حماس کو مکمل طور پر ختم نہ کردیا جائے۔ ٹرمپ نے سوشل میڈیا پر جاری اپنے بیان میں کہا کہ انہوں نے سیکڑوں یرغمالیوں کی رہائی پر مذاکرات کیے اور انہیں اسرائیل اور امریکہ واپس لانے میں کردار ادا کیا۔ ٹرمپ نے مزید کہا کہ اگر حماس کا خاتمہ جلدی کردیا جائے تو یرغمالیوں کی واپسی کے امکانات اتنے ہی زیادہ ہوں گے۔ انہوں نے دعویٰ کیا کہ صرف چھ ماہ کے دوران انہوں نے 6 جنگیں ختم کروائیں اور ایران کی نیوکلیر تنصیبات کو تباہ کیا۔