واشنگٹن : سابق امریکی صدر اور ریپبلکنز کے ممکنہ صدارتی امیدوار ڈونالڈ ٹرمپ نے امریکہ میں فلسطینیوں کے حق میں مظاہرے کرنیوالوں کودھمکی دیدی۔ریپبلکنز جیوئش اجلاس سے خطاب کرتے ہوئے ڈونلڈ ٹرمپ نے کہا کہ فلسطینیوں کے حق میں مظاہرے کرنے والوں کے ویزا منسوخ کردیں گے۔سابق صدر نے مظاہرین کو دھمکی دیتے ہوئے کہا کہ امریکہ میں مظاہرین نے کسی کے خون کا ایک قطرہ گرایا تو اس کا ایک گیلن خون بہائیں گے۔اجلاس کے دوران ایک اور ریپبلکن امیدوار نکی ہیلی کا کہنا تھا کہ جنہوں نے آج یوکرین سے آنکھیں چرائیں ہیں وہ کل اسرائیل کو بھی نظر انداز کردیں گے۔
