واشنگٹن ۔ 28 ستمبر (ایجنسیز) امریکی صدر ڈونالڈ ٹرمپ کی کل وائٹ ہاؤس میں اسرائیلی وزیر اعظم نیتن یاہو سے ملاقات ہوگی۔ میڈیا کے مطابق امریکی حکام نے بتایا ہے کہ ٹرمپ اور نیتن یاہو کی ملاقات کا مقصد جنگ بندی معاہدے کا فریم ورک طے کرنا ہے۔ ٹرمپ نے اتوار کے روز اپنی سوشل میڈیا ٹرتھ سوشل پوسٹ میں مشرقِ وسطیٰ کے بحران میں پیشرفت کا اشارہ دیتے ہوئے کہا کہ کچھ خاص ہونے والا ہے، سب تیار ہیں۔ پیر کو ٹرمپ کی اسرائیلی وزیراعظم سے ملاقات ہورہی ہے۔ اس سے قبل انہوں نے جمعہ کو کہا تھا کہ وہ سمجھتے ہیں کہ ہماری غزہ پر ڈیل ہوجائے گی۔امریکی صدر ٹرمپ کے غزہ میں جنگ بندی اور اسرائیلی یرغمالیوں کی رہائی سے متعلق بیانات کے بعد اس سمت میں یہ مثبت قدم ہوگا۔ ٹرمپ نے مغربی کنارہ کے انضمام سے بھی انکار کیا ہے۔
ان حالات میں امید کی جارہی ہیکہ ملاقات کا کوئی مثبت نتیجہ برآمد ہوگا۔
