واشنگٹن، یکم؍ جولائی (یو این آئی) امریکہ کی جانب سے کیوبا پر سخت پالیسی بحال کردی گئی، جبکہ امریکی صدر ڈونالڈ ٹرمپ نے کیوبا سے متعلق نئی پالیسی پر دستخط کر دیے۔امریکی صدر ڈونالڈ ٹرمپ نے سابق صدر جو بائیڈن کی کیوبا پالیسی واپس لے لی۔رپورٹس کے مطابق امریکہ کی کیوبا پر سخت پالیسی بحال کردی گئی۔ وائٹ ہاؤس کا کہنا ہے کہ کیوبا پر معاشی پابندیاں برقرار رہیں گی۔وائٹ ہاؤس کے مطابق امریکی سیاحوں پر کیوبا کا سفر دوبارہ ممنوع قرار دے دیا گیا۔دوسری جانب امریکی محکمہ خارجہ کی ترجمان ٹیمی بروس نے کہا ہے کہ شام سے تمام امریکی پابندیاں ہٹائی جارہی ہیں۔واشنگٹن میں پریس کانفرنس سے خطاب کرتے ہوئے انہوں نے کہا کہ شام سے تمام امریکی پابندیاں ہٹائی جارہی ہیں اور مڈل ایسٹ ٹاسک فورس کو ختم کر دیا گیا ہے ۔ان کا کہنا تھا کہ غزہ کی موجودہ صورتحال کی ذمہ دار حماس ہے ، حماس نے ہتھیار ڈالنے سے انکار کیا اور مغویوں کو بھی رکھا ہوا ہے ۔ٹیمی بروس نے کہا کہ صدر ٹرمپ نے مشرق وسطیٰ کو ہمیشہ کیلئے تبدیل کردیا ہے ، غزہ ابھی بھی وار زون ہے ، غزہ میں سیز فائر کیلئے کوششیں کرتے رہیں گے ۔ایران سے متعلق بات کرتے ہوئے ترجمان امریکی محکمہ خارجہ نے کہا کہ ایران کے ساتھ ہماریعمل نے ثابت کیا کہ ہم امن چاہتے ہیں۔
