نئی دہلی 13جولائی (یو این آئی) ملک کے میکرو اکنامک اشاریوں کی مضبوطی اور افراط زر میں نرمی کے باوجود عالمی مارکیٹ کی غیر یقینی صورتحال کے درمیان روپیہ امریکی ڈالر کے مقابلے میں مسلسل دباؤ میں رہا اور زیر جائزہ ہفتہ کے دوران یہ 46.30 روپے تک کمزور ہوا۔ اس وقت امریکہ میں درآمدی ڈیوٹی کے فیصلوں کی وجہ سے مارکیٹ میں غیر یقینی صورتحال بڑھ گئی ہے اور تاجر ہند- امریکہ تجارتی معاہدے پر اعلان کا انتظار کر رہے ہیں۔جولائی میں مقامی شیئر بازار میں مجموعی فروخت سے بھی روپیہ متاثر ہوا ہے ۔ امریکی صدر کی جانب سے ہفتے کے دوران امریکہ میں درآمدی ڈیوٹی کی شرحوں پر کیے جانے والے اعلانات کی وجہ سے بازار میں سراسیمگی کا ماحول ہے ۔ دریں اثناء دنیا کی اہم کرنسیوں کے مقابلے ڈالر کی مضبوطی نے بھی روپے پر دباؤ بڑھا دیا ہے ۔ ہفتے کے دوران جاپانی ین، کینیڈین ڈالر اور یورو امریکی ڈالر کے مقابلے میں گر گئے ۔
