واشنگٹن : امریکی صدر ڈونالڈ ٹرمپ اور فرانسیسی صدر ایمانوئل میکرون کے مابین فون پر بات چیت ہوئی جس میں دونوں رہنماؤں نے یونان اور ترکی کے مابین بڑھتی ہوئی کشیدگی کو بات چیت کے ذریعے حل کرنے پر رضامندی ظاہر کرتے ہوئے کہا کہ تنازعہ حل کرنے کا یہی صحیح راستہ ہے ۔وائٹ ہاؤس نے ایک بیان جاری کرتے ہوئے کہا کہ دونوں رہنماؤں نے ناٹو اتحادی یونان اور ترکی کے مابین بڑھتے ہوئے تناؤ پر تشویش کا اظہار کیا ہے ۔قبل ازیں امریکی وزیر خارجہ مائک پومپیو نے ویانا میں یونانی وزیر خارجہ نیکوس ڈینڈیاس سے ملاقات کرکے تناؤ کو کم کرنے کیلئے سفارتی حکمت عملی پر تبادلہ خیال کیا۔ دونوں ممالک کے درمیان اگست میں ایک مرتبہ پھر اس وقت کشیدگی بڑھ گئی جب یونان اور مصر نے ایک خصوصی اقتصادی زون (ای ای زیڈ) معاہدے پر دستخط کئے تھے ۔
