بڈاپسٹ : 22 اکٹوبر ( ایجنسیز ) امریکی صدر ڈونالڈ ٹرمپ اور روسی صدر پوٹن کی ہنگری میں طے ملاقات منسوخ ہوگئی۔غیر ملکی خبر رساں ادارے کے مطابق امریکہ اور روس کے مذاکرات کاروں کے درمیان فون کالز کے درمیان تلخیوں نے معاملہ خراب کردیا جس کے بعد امریکی صدر ڈونالڈ ٹرمپ اور روسی صدر پیوٹن کی ہنگری میں طیملاقات منسوخ کردی گئی۔دونوں صدور کی ملاقات کا اعلان پچھلے ہفتہ کیا گیا تھا۔دوسری جانب امریکی صدر ٹرمپ کا کہنا ہے کہ 2 ہفتوں میں چین کے صدر کے ساتھ بہت سی چیزوں پر بات چیت کروں گا، ہم اس بات چیت میں اچھا کام کرنے جا رہے ہیں۔اس دوران ڈونلڈ ٹرمپ نے ایک بار پھر حماس کو دھمکی دی اور کسی ملک کا نام لیے بغیر دعویٰ کیا کہ مشرق وسطیٰ کے کئی ممالک حماس سے لڑنے کیلیے غزہ فوج بھیجنے پر تیار ہیں۔
