حیدرآباد۔11جولائی (سیاست نیوز) دونوں شہروں میں آئندہ 5یوم کے دوران ہلکی اور تیز بارش کے امکانات ظاہر کئے جا رہے ہیں اور کہا جار ہاہے کہ آئندہ 5یوم کے دوران شہر حیدرآباد وسکندرآباد کے مختلف علاقوں میں وقفہ وقفہ سے ہلکی اور تیز بارش ریکارڈ کی جائے گی۔گذشتہ دو یوم سے شہر حیدرآباد میں مطلع ابرآلود رہنے لگا ہے اور جگہ جگہ وقفہ وقفہ سے بارش ریکارڈ کی جارہی ہے لیکن چند منٹوں کے لئے ہونے والی انتہائی تیز رفتار بارش کے بعد اچانک بارش تھم رہی ہے۔اس طرح کی بارشوں کے سلسلہ میں ماہرین موسمیات کا کہنا ہے کہ مانسون موسم باراں کے دوران عام طور پر اس طرح گذرتے ہوئے بادلوں کا برسنا معمول کی بات ہے لیکن جاریہ موسم باراں کے دوران شہر حیدرآباد میں اس طرح کی بارشوں کا سلسلہ زیادہ ریکارڈ کیا جارہا ہے ۔ بتایا جاتا ہے کہ دونوں شہروں میں آئندہ 48 گھنٹوں کے دوران تیز ہواؤں کے ساتھ بارش ریکارڈ کی جاسکتی ہے جبکہ آئندہ 5یوم ہلکی اور تیز بارش کے نتیجہ میں درجہ حرارت میں مزید گراوٹ ریکارڈ کئے جانے کا امکان ہے اور مطلع ابرآلود رہے گا۔3
