حیدرآباد۔ یکم فروری ( یواین آئی ) گریٹرحیدرآباد میونسپل کارپوریشن(جی ایچ ایم سی) اورپولیس کی جانب سے شہر کے اہم مقامات پر ٹریفک کے مسائل کو دور کرنے جامع ٹریفک ایکشن پلان تیارکرکے اندرون چنددن چیف منسٹر ریونت ریڈی کو پیش کیا جائے گا ۔ کمشنر گریٹر حیدرآبادمیونسپل کارپوریشن سی)رونالڈراس نے یہ بات بتائی۔انہوں نے آج کمشنرپولیس حیدرآباد کے سرینواس ریڈی کے ساتھ شہر کے جوبلی ہلز علاقہ کے مختلف مقامات کا تفصیلی معائنہ کیا اورٹریفک کی صورتحال کا جائزہ لیا۔رونالڈ راس نے عہدیداروں کو ہدایت دی کہ وہ جوبلی ہلز روڈنمبر45اور36پر مناسب اقدامات کئے جائیں تاکہ ٹریفک میں رکاوٹ اور جام کی صورتحال پیدا نہ ہونے پائے ۔انہوں نے کہاکہ حکام،مناسب ایکشن پلان تیارکریں گے تاکہ مستقبل میں ضرورت کے لحاظ سے فلائی اوورس کی تعمیر کی جائے ۔
