رتلام : مدھیہ پردیش کے رتلام ضلع میں واقع پریتم نگر اسٹیشن پر آج صبح رتلام سے اندور جانے والی ڈیمو ٹرین کے دو ڈبوں میں اچانک آگ لگ گئی۔ واقعے کے بعد تمام مسافروں کو بحفاظت نکال لیا گیا ہے ۔ریلوے کے سرکاری ذرائع کے مطابق صبح 6.35 بجے اندور کے لیے روانہ ہونے والی ڈیمو ٹرین صبح 7.00 بجے پریتم نگر اسٹیشن پہنچی۔ اس کے بعد اچانک ٹرین کے دو ڈبوں میں آگ لگ گئی۔
تحصیلدار کی کرسی پر نامعلوم خاتون کے ذریعہ سرکاری کام کی انجام دہی
اٹاوہ، 23 اپریل (یو این آئی) اتر پردیش کے اٹاوہ میں نائب تحصیلدار کی کرسی پر ایک نامعلوم خاتون کے سرکاری کام سنبھالنے کا معاملہ سامنے آنے کے بعد تحقیقات کا حکم دیا گیا ہے ۔ کہا جارہا ہے کہ یہ خاتون نائب تحصیلدار سندیپ سنگھ کی بیوی ہے جو شکایت کنندگان کی شکایات کو نمٹانے کی کوشش میں مصروف ہے ۔اس معاملے کا ویڈیو وائرل ہونے کے بعد اٹاوہ کے ڈپٹی ڈسٹرکٹ آفیسر وکرم سنگھ راگھو نے اٹاوہ کے تحصیلدار راج کمار کو پورے واقعہ کی تحقیقات کا حکم دیا ہے ۔ اس وقت انتظامی عملہ تحقیقاتی رپورٹ کا انتظار کر رہا ہے۔
