ٹماٹر کا کسان ایک ماہ میں کروڑپتی بن گیا

مبئی : مہاراشٹر میں ٹماٹر کی کاشت کرنے والا ایک کسان صرف ایک ماہ میں کروڑ پتی بن گیا ۔ گزشتہ کئی دنوں سے ملک میں ٹماٹر کی قیمتوں میں اضافہ ہوگیا اور فی کلو گرام ٹماٹر 150 سے 300 روپے تک فروخت ہورہے ہیں۔مہاراشٹر پونے ضلع کے کسان نے ایک ماہ میں 13 ہزار کریٹ ٹماٹر بیچے اور ڈیڑھ کروڑ روپے کمائے۔ اس نے اپنی 12 ایکڑ زمین میں ٹماٹر کی کاشت کی۔ پونے کے جنار گاوں کا کسان توکارام بھاگوجی گیاکر نے 1.5 کروڑ روپے سے زیادہ کی کمائی کی۔توکارام بھاگوجی گیاکر نارائن گنج میں ٹماٹر کا کریٹ بیچ کر ایک دن میں 2,100 روپے کمائے۔ اور جمعہ کو، اس نے کل 900 کریٹس فروخت کیے، جس سے ایک ہی دن میں 18 لاکھ روپے کمائے۔توکارام نے اپنے بیٹے ایشور گیاکر اور بہو سونالی کی مدد سے ایک ماہ میں 13,000 ٹماٹر کے کریٹ بیچے۔ ان کے پاس 18 ایکڑ زرعی زمین ہے۔ اس نے ٹماٹر کی کاشت کیلئے 12 ایکڑ زمین استعمال کی۔ خاندان کے مطابق، وہ کھادوں اور کیڑے مار دوا کا استعمال کرکے معیاری ٹماٹر اگاتے ہیں۔تکارام کی بہو سونالی پودے لگانے، کٹائی اور پیکنگ جیسے کاموں کا انتظام کرتی ہے۔ جبکہ ان کا بیٹا ایشور سیلز، مینجمنٹ اور فیناشیل پلاننگ سنبھالتا ہے۔ گزشتہ تین ماہ کی محنت نے اس خاندان کو کروڑ پتی بنا دیا۔