ٹورنٹو: کینیڈا کے شہر ٹورنٹو کے علاقے ریکسڈیل کی ایک مسجد کے نگران کو چھری کے وار کر کے قتل کر دیا گیا ہے، قاتل نے مقتول کی گردن کو نشانہ بنایا تھا۔ٹورنٹو پولیس کے مطابق مسجد کے نگران نماز کے بعد مسجد سے نکل رہے تھے کہ ان پر حملہ کیا گیا، حملہ آورواردات کے بعد فرار ہو گیا۔کینیڈا میں مسلمان مخالف سوشل میڈیامہم چلانے والا بھارتی شہری نوکری سے فارغٹورنٹو پولیس کا مزید کہنا ہے کہ انٹرنیشنل مسلم آرگنائزیشن آف ٹورنٹو کے اندر باہر سے شواہد اکٹھے کر رہے ہیں۔پولیس کا یہ بھی کہنا ہے کہ تفتیش کر رہے ہیں کہ یہ مذہبی منافرت پر مبنی جرم ہے یا واردات کی کوئی اور وجہ ہے؟پولیس کا کہنا ہے کہ تفتیش سے پتہ چلا ہے کہ قاتل دبلے جسم کا مالک تھا جس نے سیاہ رنگ کی ہڈی اور گہرے رنگ کی پینٹ پہن رکھی تھی اور پیدل چلتا ہوا جائے وقوع سے فرار ہوا ہے۔ٹورنٹو پولیس پر امید ہے کہ وہ جلد ہی قاتل کو گرفتار کر لے گی۔