ٹوکیو۔11 ستمبر (سیاست ڈاٹ کام ) ٹوکیو اولمپک کوالیفائنگ راؤنڈ کے ڈرازکا اعلان کردیا گیا ہے۔ میچز اکتوبر کے آخری ہفتے کے بعد متوقع ہیں۔ شیڈول کا اعلان انٹرنیشنل ہاکی فیڈریشن حکام کریں گے۔ پاکستانی ٹیم ہوم اینڈ اوے کی بنیاد پر اپنے دونوں میچ سخت حریف ہالینڈ کے خلاف ہالینڈ میں کھیلے گی۔ کوالیفائنگ راؤنڈ کی تیاریوں کیلئے پاکستانی ہاکی ٹیم کا تربیتی کیمپ لاہور میں جاری ہے۔ ڈرازکے مطابق آسٹریلیا اور جرمنی مدمقابل ہوں گے۔ آسٹریلیا اور جرمنی کے مقابلے جرمنی میں ہوں گے۔ کوالیفائنگ راؤنڈکا پہلا میچ 25 تا 27 اکتوبر اوردوسرا میچ یکم سے 3 نومبر کے درمیان ہوگا۔ تاریخوں کا باضابطہ اعلان ایف آئی ایچ کرے گی۔
